MUZA գինիների վերաբրենդավորում

Պահպանելով բրենդի անվանումն ու MUZA-ին տալով նոր վիզուալ ինքնություն, թիմը բրենդին նոր շունչ հաղորդեց: Վերաբրենդավորման գաղափարի հիմքում կնոջ եզակիությունն է, ինչպես ցանկացած ծաղիկ, որ եզակի է իր բույրով ու նրբագեղությամբ, այնպես էլ յուրաքանչյուր կին եզակի է իր տեսակով։

Վերաբրենդավորման ընթացքում MAROG-ն իր առաջ խնդիր էր դրել ստեղծել տպավորող ու աչք շոյող տարբերանշան։ Արդյունքում ծաղկային կոլաժի շնորհիվ ստացվեց կնոջ դեմքի կիսադեմ պատկեր, որն իր տեսքով հին հունական հավերժահարս է հիշեցնում։

Ստեղծվել  է գինու պիտակի դիզայն, բրենդի չորս տեսակի գինիների համար (կարմիր, սպիտակ, ռոզե և ռեզերվ): Յուրաքանչյուր գինու տեսակ իրեն հատուկ գունային լուծում է ստացել, ամեն ընտրված գույն իր սեփական խորհրդանիշն ունի։

MUZA կարմիր պիտակի մուգ երանգը խորհրդանշում է աստվածների խմիչքը, պիտակի սպիտակ գույնը խորհրդանշում է կնոջ պարզությունն ու մաքրությունը, ռոզեի բաց վարդագույն երանգը մայրության և գեղեցկության խորհրդանիշն է, իսկ ռեզերվում՝ սևի ու ոսկեգույնի օգտագործումը խորհրդանշում են շքեղությունն ու բարեկեցությունը։