SEE (անգլերենից ՏԵՍ) անվանումը արտահայտում է կանաչ տնտեսության ապագան տեսնելու և Հայաստանում ոլորտի զարգացումը տեսանելի դարձնելու միտքը։ Անվանումը նաև հապավում է՝  Sustainability & Energy Efficiency EXPO (կայուն և էներգաարդյունավետ EXPO)։


Անվանումը ուղիղ կերպով խոսում է EXPO-ի կոնցեպտի մասին, ինչպես նաև կոչ է անում այցելել էքսպոն և տեսնել ոլորտում աշխատող ընկերությունները, իսկ ընկերություններին՝ տեսնել իրենց գործունեությունը էքսպոյին ներկայացնելու, գործնական կապեր ստեղծելու և որակավորված մասնագետներ գտնելու հնարավորությունները։ Անվան հետ կապված ձևավորվեցին հետևյալ հիմնական ուղերձները՝ Տես կայունությունը, Տես էներգախնայողության օգտակարությունը, Տես վերականգնվող էներգիայի ներուժը, Տես քո կարիերայի հնարավորությունները, Տես կանաչ տնտեսությունը

Միջոցառման տարածման համար ստեղծվեց միջոցառման վայրէջքային կայքը՝ այցելուների և մասնակից ընկերությունների գրանցման հնարավորություններով, իսկ Job.am հարթակի սոցէջերում և կայքում տարածվեցին միջացառման գովազդային նյութերը։ Սոցէջերի համար մշակվեց և տարածվեց միջոցառման բովանդակությունը և պայմանները ներկայացնող առանձին կոնտենտ։

Միջոցառումը առանձնահատուկ և գրավիչ, ինչպես նաև հասկանալի դարձնելու նպատակով ստեղծեցինք գովազդային արշավի կարգախոսը՝  «կանաչը տարբեր է լինում», որը ուղեկցվեց բրենդի ինքնությամբ ներկայացված տարատեսակ նյութերի գրաֆիկական պատկերներով և գույներով: Միջոցառումանը նախորդեց գովազդային արշավը քաղաքի արտաքին գովազդային վահանակներին և LED էկրաններին։ Միջացառման մասին պատմող պաստառները՝ հիմնական վիզուալ կոնցեպտով, տարածվեցին Երևանի մետրոպոլիտենի մի քանի կայարանում, կենտրոնի մի քանի փողոցներում և համալսարանների մոտակայքում գտնվող կանգառներում։

Էքսպո-կոնֆերանսի կայացման օրը տարածքը ձևավորեցինք վիզուալ ինքնության տարրերով, տարածքում առկա էին բրենդավորված դրոշակներ, պաստառներ, տեսանյութեր, օրակարգ, տեղեկատվական անիմացված տեսանյութեր և ուղեցույցեր, իսկ էքսպոյին մասնակից ընկերությունների տաղավարների դիզայնը համահունչ էր բրենդի վիզուալ ինքնության հետ: